Navigacion – Plan del sit

70 | 2011
A l'entorn del Calvinisme de Bearn de Fondeville — Varia

About Calvinisme de Bearn by Fondeville — Varia
À propos du Calvinisme de Bearn de Fondeville — Varia

Aquel numèro es consagrat a un tèxt redigit en occitan bearnés, datable de la fin del sègle XVII de Joan-Enric Fondeville (ca. 1638-1705). Lo dorsièr es seguit de dos articles sus la comunautat portuguesa del Luxemborg e sus l'argeniarizacion del francés.

  • A l'entorn del Calvinisme de Bearn de Fondeville

    Aquel numèro es consagrat a un tèxt redigit en occitan bearnés, datable de la fin del sègle XVII, que pausa de problèmas enòrmes d’interpretacion. Lo Calvinisme de Bearn divisat en siex ecloges se presenta coma un dialòg, long de 2622 alexandrins, entre mantuns personatges que tractan de la Revocacion de l’edicte de Nantes en 1685. L’autor, Joan-Enric Fondeville (ca. 1638-1705), es el-meteis eissit d’una familha de protestants convertida al catolicisme. Sa posicion sembla favorabla a la Revocacion mas pas sens qualques ambiguïtats. La question del genre e de la destinacion d’aquel tèxt es particularament problematica : s’agís d’un poèma, fach per èstre legit, o l’ensemble es concebut coma una representacion teatrala, prepausada a una populacion recentament convertida ? L’usatge del bearnés, a una epòca que los eleits son de mai en mai aquesits al francés, poiriá suggerir una orientacion sociala en direccion de mitans pro diversificats pauc acostumats al francés. D’un ponch de vista istoric, lo Calvinisme de Bearn constituís un preciós testimoniatge sus la coabitacion de las comunautats catolica e protestanta a un moment-clau de l’istòria de las relacions entre aquelas doas confessions.

  • Varia

  • Logo Presses universitaires de la Méditerranée
  • OpenEdition Journals